Jëuni de Mujiga

de Gherdëina

Storia di „Jëuni de Mujiga de Gherdëina“

La lia „Jeunesses Musicales - Jëuni de Mujiga de Gherdëina“ ie nasciuda - chël possen bën dì - tres merit dla Baroneëssa Dorothy Lanni Della Quara che ova metù su a Milano, bele tl ann 1952, na sezion dla “Federation Internationale des Jeunesses Musicales”, nasciuda a Bruxelles l ann 1945. Dorothy Lanni Della Quara, che ova na cësa te Sëlva y univa iló suvënz al frësch, ova tëut su cuntat cun bera Stefan Demetz, ntlëuta ugrister y dirighënt dl Cor de Sëlva, per ti purté dant l’idea de mëter su nce te Gherdëina na sezion dla “Jeunesses Musicales”. L’idea ti ova riesc plajù a bera Stefan, che l’ova purteda dant ala Union di Ladins de Gherdëina che ova ntlëuta l sëul salamënt ulache n ëssa pudù tenì cunzerc de n cër livel. Bera Stefan de Sulé fova stat bon de mutivé n valgun jëuni de Urtijëi y de S. Cristina a mëter ndrova chësta idea nueva. De setëmber dl ann 1964 foven stac boni de mëter su la lia „Jëunesses Musicales - Jëuni de Mujiga de Gherdëina“ cun chisc cunselieres: Stefan Demetz, Oswald Senoner, Guido Insam, Heindl Moroder, Hansi Malsiner,
Rosmarie Prugger, Josef Perathoner y Josef Bernardi.L fin dla Jeunesses Musicales y nscì nce di “Jëuni de Mujiga” ie chël de fé cunëscer la bona mujiga tres l’urganisazion de cunzerc, de slargé ora la cultura musichela dantaldut nce pra i jëuni y de sustenì i jëuni che mpera n strumënt o devënta ciantarins.


L Cunsëi atuel di Jëuni de Mujiga de Gherdëina


PRESIDËNC dal 1964 ncà:

Guido Insam dl Iris (1964-1966)
Stefan Demetz de Sulé (1966-1967)
Norbert Moroder de Lenért (1967-1968)
Bruno Perathoner de Caio (1970-1987)
Leo Moroder da Resciesa (1987-2001)
Flavio Senoner da Juntlan (2001-2008)
Egon Lardschneider (dal 2008 ncà)


Cunzet, design y Realisazion © by WEB2NET Gherdëina 2018